للشاعر.اسامه الطيب
Thank you for reading this post, don't forget to subscribe!عارف انك راجع تاني
عارف انك راجع تاني وانك عمرك م هتنساني
علشان مش هتلاقي حناني
واما هترجع رح تلقاني
بالحب فاتح لك أحضاني
وعارف انك راجع تاني
عارف اني مكاني ف قلبك
ولا مخلوق غيري هيملاه
وانك مهما بعدت هترجع لحبيبك اللي بتهواه
وانك ف البعد بتتوجع وتقول ف اليوم ييجي ميت اه
ليه تتوجع واحنا بأيدنا نملي الدنيا فرح وحياه
يلا بسرعه كفايه فراق
كل ما فيا اليك مشتاق
همسح دمعك وهقيد شمعك واحفر اسمك م العشاق
يلا نرجع احلي سنين
نرسم بسمه علي الخدين
نقسم فرحتنا علي اتنين
نصحي ف شوق وننام ف حنين
ارحم نفسك واطلق قلبك سيبه يرفرف فوق ويطير
هيحط ف قلبي وهيقولك
هنا ياما شوفنا الهنا والخير
ف القلب ياما عشنا ف جنة عشق مع العصافير
القلب الطيب ياما خدنا لفرح وهنا وسعاده كتير
القلب ده وطني وعنواني
وراجع راجع راجع تاني
تغطية مستمرة على مدار الساعة من منصة “غرد بالمصري”:
تابع أحدث الأخبار والتقارير في جميع الأقسام:
