ذنب مين
********
ذنب مين شايله ياقلبى
دى الروح بتصرخ إيه ذنبى
ده ذنب الشوق فى بحر هواك
عجيب وحداني كده وبعيد
قاسي ومغرور وطبع عنيد
وفاكرنى أنا مش فهماك
نظرة من فوق الحاجب
وفايتنى وكمان تتعاجب
ولا موعد امتى ح ألقاك
تغيب تغيب وترجع من تانى
وتقول اوعي تكونى نسيانى
اطمن أنا مش نسياك
عودت نفسك على الهجران
وعايز الوقت زى زمان
راحت الحنية من كتر جفاك
صبرت كتير على صدك
فين قربك وفين ودك
وفين لهفة قلبك ورضاك
مش فاكر ليه حنيتى
ولا فاكر طبطبتى وسلوتى
إيه غير حبى معاك
سنين اتمنى تكون ليا
وافرش دروبك حنية
واعيش العمر أنا وياك
بس إنت فين وأنا فين
وحنرمى اللوم على مين
ياما فات على الهجر سنين
مابقاش فارق تنسانى وأنا فكراك
بقلم ✍️ ايمان جمعة
اترك تعليقاً