“أغنية سيناء”: في عيد تحريرها
طول عمرنا وطن الشجعان
اهتف سمع كل جبان
قالوا زمان
عن سينا يهودية
فكروا إن الشعب المصري
خلاص هيسلم للطغيان
هب الجيش المصري الباسل
هب وقام كأنه طوفان
في عز الظهر في ستة أكتوبر
يوم العاشر من رمضان
ووراه كل الشعب العربي
هز العالم كالبركان
حرر سينا ورجعت لينا
ورجعت لينا طابا كمان
طول عمر الأرض المصرية
أبية عصية
مهما يطول زمن العدوان
بكرة القدس هيرجع لينا
زي مارجع لينا زمان
سينا ياسينا ياغالية علينا
مش هتسيبك تاني ايدينا
الجيش المصري تاريخ رنان
مش هنفرط في الأوطان
مهما يطول زمن العدوان
بكرة هترجع لينا جولان
ومزارع شبعا في جنوب لبنان
وفلسطين في كل مكان
وهنفك قيود القدس كمان
ونخلي الفجر بنوره يبان
وتعيشى يامصر بخير وأمان
والوطن العربي يعيش في امان
“أغنية سيناء”: في عيد تحريرها
كلمات الشاعر الفنان: رزق جادو
مصر… دمياط
اترك تعليقاً