اعلام دمياط 

قصيدة. اعلام دمياط

كلمات الشاعر. رزق جادو

ياللي بتسأل عن دمياط
صلي على المختار الهادي
واشرب من أيدي الشربات
واسمع مني تاريخ اجدادي
دمياط طول عمرها بالذات
مهد العلما والرواد
دمياط بلد النيل والخير
عروس الدلتا وتاج الوادي
ده مشرفة كان م الحتادي
بنت الشاطئ بيتها في غادي
والشناوي . والسنباطي
سعد أردش . شوقي ضيف
والكفراوي وزير مش عادي
وفاروق شوشة . وذكي محمود
وابو فأشا . رفعت محجوب
والهجان حقق لي مرادي
والزيات . ويا حمامصي
وحلمي حديدي . و ياالريدي
قيمة وقامة لمصر بلادي
مدكور ابو العز الطيار
فخر لكل نسور الوادي
وقاهر المانش . والفناجيلي
وسمير زاهر . درية شرف الدين
والحضري الحارس الموهوب
رفعوا اعلام مصر بلادي
فوزي السيد . هتلر طنطاوي
ضياء داود . الشاعر الأسمر
رفعوا شأن كل بلادي
وبدوي عبد الرحمن
وكمال خالد . لطيفة زيات
تركوا علم كبير لولادي
ويسري الجندي . السلاموني
وبشير ديك . وسمير فيل
فرحوا قلبي وسروا فؤادي
وسالوسة . وحسن الرداد
عمر سمير . فاكرين بكار
فن دراما لكل الوادي
حكمت فهمي . علي السالوس
عباس طرابلسي . جابر نصار
مختار حسين . حمدي عاشور
علوم وسياسة تاريخ امجادي
دمياط مجد تاريخ ونضال
منها الشهداء والابطال
وادي ياسمين يحي وفي الحال
ضربت لنا في العلم مثال
وشويقة شهيد مش عادي
ضحى بنفسه عشان زملاءه
وكان الحامي وكان الفادي
وغيرهم ياما بالاعدادي
لو عديت هيتوه عدادي
ياللي بتسال عن دمياط
صلي على المختار الهادي
موبيليا جميلة وحلويات
مين ينافسها في الحتادي
اسروا ولادها لويس التاسع
دفع الفدية وقال ياسوادي
دمياط بلد النيل والخير
عروس الدلتا وتاج الوادي