زمان كان فيه عم و فيه خال

زمان كان فيه عم و فيه خال

بقلم محمد أبو الليالي موسى

زمان كان فيه عم و فيه خال
واحنا صغار كان فيه خشا
بين لكبار وبين لصغار
واحنا صغار كنا بنلعب
وسط الصحن جوي الدار
كنا في عيله ولما جميله
وكل اخواتي في بيت الجار
واولاد عمي واولاد خالي
كنا لما وكنا كتار

كانت امي تصحي الفجر تملأ المي
لحد الصبح
كانت الشمس تشوق الدار
كان الصبح لما يشوفا
كان من امي يغار

كانت تخبز كل صباح العيش من بدري
وانا والبدري نجيب البيض تخبزه فيه
كانت حطه العود وسطيه
واحنا نشيله وناكله ونجري

كانت لما تحك ماجورها بالسكين
كانت تنده انت يا واد
نجري عليها نروح طايرين
كانت تنده اخويا امين
وهوي امين ع الطلبات
كانت تديله قرشين صاغ
وتوعيه وهوا مطبق في ايديه
ويطير طيران للبقال
ويجيب في الحله عسل وطحين
علي شان تعمل لينا بسيسه

كان في فقر مكنشي اليم
احنا الان مش فكرين
كانت لما تبص بعينها
نفهم منها عيزانا ليه
طب بعدين هجري
وسخن في السكين
والطع ايدك

كان البيت كله حيوان
فوق السطح والعيشه تمام
كانت الحمه مش فكرينها
غير مالعيد للعيد
عن بيتنا بعيد
لان البيت كان كله حيوان

واحنا صغار كنا نروح نلم البيض
واحنا بنتسابق
كانت الفرخه تفضل تزعق ويا الديك
كان فيه فرحه وقلب سعيد

كان رمضان لما يجينا
كنا بنسهر مع بعضينا جار مع جار
كانت الدور كلها دار
كنا ندور ليا ونهار بالفوانيس
صبيان وبنات
كنا نغني اغاني كتيره
وتملي مسكين في ايدينا
شمع وفول
كنا نقول

يا شمعه ليه تتحرقي
وانتي منوره الليل
ايدي من كتر صهدك
نسيتني مواعيدي
يا شمعه بلاش تخلصي
وتقولي ليا روحي
لا الفجر اه لا
قوم صلي الفجر وقوم روح
والصبح طالع بيفرح
ليقول لليل روح روح
عشان الشمس نور لينا
بين بكره وامس
وعشان الهمس
كان بينا وبين بعضينا
ما هي احلا حاجه فينا
إننا مسكين بعضينا
والايد في الايد
وتملي الحب بينا يذيد

ويجي العيد
والفرحه تبان في عنينا
والخال والعم اما يجينا
كان يدونا نص ريال
ونفرقه كده علي بعضينا
كان بينا عراق
بس بحب وكله هزار

ايه اللي بيحصل دلوقتي
الاخ بيكره اخوه وبياكل حقه
والام بتستنا عيالها
وهما بيتمنو اجلاها
وهيا قاعده لوحديها محتاجه ونيس
والاب مداد في ايديه
وعياله كتير من حوليه جحدين كده ليه
عرفين كده ليه
علي شان الفرق كان شاسع
بقلم محمد ابو الليالي موسي

الشاعر الدمياطي محمد أبو الليالي موسى – صوت الريف الصادق الذي كتب بلسان البساطة والحنين.