عيون غرقانة

عيون غرقانة

سألتها عن حد تاني حبها
قالت كلام مكنش قد سنها                    قالت جمل مشبوكة من طعم الألم
حاولت أعرف سرها
قالت بلاش تكون
اللي هيجرح قلبها
واحنا قاعدين ساعات
من غير كلام
علي الكورنيش والدمع يعزف لحناها
ودموع حنين الذكريات
نازله علي خد الألم دافية
غيمت عينيها بالسحاب
و احنا في عز الصيف
ونسيم المغربيه تنهيدة آهات
وعنيها في عينيا
وكأنها بتقلي حبيبي اللي فات
زرعت فيه الأمنيات
وخِلي بيا
دقت الساعه في لحظة سكاتنا
ومسكت أيديا
قالت جمل وراها جمل
مقدرتش ألحق منها معنى
معنى الحياه اتنين
حب فصلته الدموع
وفصلة الأيام تجمعنا
وحب خياله الذكريات
وله ألف معنى
واللي في القلب هنشيله
ودقاته تسمعنا
قمنا مشينا بخطاوي بطيئة
أنا كنت حصري ومقولتش كلام تاني
وايديها علي خصري سرحت في احلامي
قالت حبيبي
قولت قوليها من تاني
الكلمه زلزلت وجداني
وكأن كل الجمل عادتها من تاني
لقيتها بتحبني
ولا ترضي بهواني
ايدي علي كتفها ضمتها ضماني
ما قالتش من ساعتها
غير بتحبني يا غالي
أنا قولت بالحياني
والله بحبها
وادعولي من قلبكم
يقرب الغالي

بقلم. محمدابو الليالي موسي