بقلم: محمد ابو الليالي
Thank you for reading this post, don't forget to subscribe!وكتبتُ اسمك في سطوري،
حروفه عشقي وجنوني،
وبين وريدي كان رسمك،
صورةً في ميدان.
يا اسم مخلوق لوجودي،
ومن حنانك كان جودي،
وأنا من نسل جدودي،
عاشق ولهان.
يا اسم وردٍ في خدودي،
يقطفه عاشق من عودي،
ويبيت فرحان.
عشقتُ اسمك لو قولي،
في مرآتي صورتك من طولي،
شدّتني سحرها وجمالها،
وعينيك بالكحل خدوني،
رموش سهامها فتنوني،
الله عليكِ حين تكوني،
في دمي عايشة في سكوني.
الله على بسمة عمري،
طلّة ما بين صفين لولي،
ونجوم وقمر نادوني.
يا سلام على شريان نيلك،
والنخل يتوضّى ويسلّم،
بطرفة يتحنّى بطينك،
أدي السماء زاهيةً صافية،
وخوف واقف في الصحرا،
في رملة كلها فضية،
عشانك إنتِ معدّية،
وعشانك إنتِ جوانا،
مهما كنتِ عندي،
أنتِ الحياة، أنتِ المياه.
يا اسم موجود في القرآن،
يا خزائن الكون فاتحة بيبان،
يا غنية في الأصل وناسك،
كلها طيبة من إحساسك.
لو يوم عينيك طرفها دموع،
الكل يرفعلك راسك،
في أيديهم سيفك ودروعك،
وفي عيدك أيدين في شموعك.
يا أم الحضارة الأبدية ،
يا حضن الأمة العربية،
أنتِ السفينة جوة الأزلية،
والكل مجدافه يعينك.
لقيت حرفك من ماسي،
كتبته من روح إحساسي،
داس القلم على كراسي،
كتب اسمك ما تلخبط،
وعمره ليكِ ما كان ناسي.
تغطية مستمرة على مدار الساعة من منصة “غرد بالمصري”:
تابع أحدث الأخبار والتقارير في جميع الأقسام:
