سنة تلاته و سبعين
حدوتة جميلة اسمعنى
عن حرب اكتوبر هحكى
قصة أبطال ،و رجال
ده تاريخ الجندى المصرى
…..
ف السادس من اكتوبر
و العاشر من رمضان
الساعة اتنين الضهر
سنة ثلاثة ،و سبعين
دفعات حربية تُمُر
….
و شباب مصر الحُر
حالف لا يعَدى محال
فرسان لوطنا يلبوا
و دماهم هى المهر
..
بتكبيرة الاحرام
مسلم ،و مسيحى اتقدم
بيها نادوا ،صرخوا،و عبروا
و قنالنا عليهم سلِم
….
على أرض سيناء انتشروا
و رفرفت الأعلام
صابو أقوى عدو بقهر
و اتبدلت الأدوار
..
و سمانا صبحت نار
طيرانا يا ناس ف الحال
مع صاعقة 100 ال100
و ده سِر الشفرة يا خال
..
ده مبارك،عاطف،بدأو
و بفضل الله عدينا
برجال أبطال جويه
و مشاة حربيه متينه
…
مصرى،و سورى،و عراقى
و جزائرى،معاه فَلسطينى
الكل اتحدى وقام
كات وِحده ف وسط زحام
…..
الكل فى لحظة اتَحَدوا
دبابه،صاروخ ،و مياه
المسلم صايم شهره
و مينا ،و جرجس وياه
….
شهداءنا و دمنا واحد
و الكل يقول الله
الإيد،ف الإيد ،و لُغانا
الله أكبر ف علاه
….
مين ينسى بطلنا رياض
و الخطة ٢٠٠ حربية
جنرال ذهبى ،ف بطولات
عنوانها اكتوبر غية
….
مهد للنصر ،و شارك
تدمير ف إيلات،و العش
قتلوه التاسع من مارس
لكن ف قلوبنا ما ماتش
….
الشاذلى،الجمسى،فؤاد
مأمون،واصل،و عطيه
و خليل،و كمال،على فهمى
عوض الله،قلوب مصرية
…..
استلموا الراية ،و حَلفوا
لا تعودى يا سينا لمصر
دى جنودنا عفيه ما خلفوا
الوعد،و جابو النصر
…..
شجعان من أول جندى
لمُشير،قائد،و كتيبه
ملحمه بشريه بتهدى
أرواحها ف لحظه مهيبه
….
تتزلزل من مدافعهم
ألغام بارليف الكدب
و بشوية ماية الكدبه
ف ثوانى اتزال ،و اتهد
…..
قال حصن متين يا ولاد
باقى يوسف قال يا سلام
دول حبة رمل، يا هوه
و لرأيه قلنا تمام
……
ما ساداتنا بقوة معاهم
وعدونا موش بينام
رُخصت أرواح ،ف بطوله
كات لينا مسك خِتام
…..
بالنصر،ده راجعين لينا
إخوه،و صحبه ،و أعلام
لواءتنا اليوم ،و لبكره
مهما طالت الأيام
….
مرفوعة رايتنا الحره
بتحية ،و أحلى سلام
و دى سينا عروسه بطرحه
مغزوله بالأنغام
….
ياه يا مصر يا أم الصبر
كده ليلنا بان له صباح
و علمنا مرفوع دهر
تسلم له ايدين، و أرواح
….
و هى ماسكة سلاح النصر
تقتل به عدو انزاح
و لسينا توفِى النَدر
و تجيب لنا دوم أفراح
….
ياه يا مصر يا ام الجُند
ده ترابك حِنه، و عود
بشهيد يرويه بدماه
طُهر ،و شهامه ،و جود
…
يا بهيه،و غصن زتون
و حكاية مش منسية
لو إنى أهاديكى عنيا
و الله رخيصه الهِديه
….
حيوا معايا الرجال
صاعقة،و مشاه،و جويه
ده اتنين بعد الخمسين
أبطال مصر الأبيه
…
لسنة تلاتة ،و سبعين
و بأمر الله يا بهية
و تمر سنين،و سنين
و مكملة بعد ال 100
…
..
بقلم الكاتبة جهاد نوار
عضو اتحاد كتاب مصر
اترك تعليقاً