قصيدة عامية للشاعر حمدي عبدالوهاب _مصر
آه يا زمن
عيني عليك يا زمن
يا مضحّي بالأحباب
الراجل ملهوش ثمن
والست لابسة حجاب
عاملة أصيلة في المحن
وتقول أنا وقت الصعاب
لكن ساعة الجدّ تغيب
وتسيب جرحه بلا جواب
تخفي الحقيقة بالوهن
وتواري وشّ الأسباب
وليها كتير من الألحان
وتبكي من غير أسباب
والراجل شايل الحمل
وساكت عن العتاب
يعيش لوحده المحن
وتتقفل عليه أبواب
مين غيره شال الحمل
وصان البيت م الخراب
ومين وقت الخوف بان؟
ومين وقت الفرح غاب؟
عايزين ياكلوا العسل
والمرّ متروك لأهله
وقت الشدة يقولوا: شيل
ووقت الفرح مين يندهله؟
الصورة في زمانّا مقلوبة
والحق تايه بين الأبواب
الراجل كتفه شايل أهله
وكتفه من العذاب داب
آه لو ترجع يا زمن
ونفتح من تاني كتاب
مشاركة عبر واتساب
مشاركة عبر تويتر
مشاركة عبر فيسبوك