فرخة حبت قرموط

بقلم: الشاعر حمدي عبدالوهاب (مصر)

فرخة حبت قرموط … وعينها عليه طالعة

قالت ده واد مظبوط … وفي إيده كام صنعة

حبيته خلاص موت … ونار قلبي كانت ولعة

قالت ارميله طُعمة … واتاريه عايز البلعة

رمى شباكه بخيوط … وأكلت هي الطُعمة

قال لها حبك ياقوت … وأنتِ عندي شمعة

صدّقت حلو الكلام … ووقعت نفس الوقعة

وبقت تيجي عَ الشط … كل يوم وبكل سرعة

وصاحبنا نايم في الترعة … عامل نفسه مش شايف

شافت جوزين بط … عايمين من غير صرعة

عجبتها صورة البط … فنزلت وراهم بسرعة

واللي كان نايم قام … ويا دوب عدّت جمعة

كل ما تقول له أفوت … يزوّد عليها الجرعة

يرجع لها يوم سكوت … ويحضّر لغيرها الرجعة

الفرخة جالها بيضة … والبيضة صغيرة يانعة

ذاع الخبر في البلد … قامت البلد والعة

لما انكشف المستور … بانت حقيقة الخدعة

قالت ده قلبه منحوت … ما يعرفش غير الفزعة

قالت يا ناس اسمعوا … دي حكايتي مش بدعة

اللي يبيع قلبه لحوت … ما ينتظرش منه رجعة