قصيدة عامية للشاعر: حمدي عبد الوهاب — مصر
نهر العتاب لو جفّ
المحبة تروح منه
أرضه تنشف وتجفّ
يبعد ويسيب ظنّه
مش كل قلب نشف
تنتظر القرب منه
ولا كل وقت وظرف
ينفع يضحك سنّه
يمكن يصيبه اللطف
وعقله يهرب منه
يعملّك مصيدة وفخّ
وفي الرد تشوف فنّه
يركن ويجلس ع الرفّ
مع نفسه شايل همّه
والهمّ لما يستفزّ
يجرح حتى ظلّه
أصل ما ينفعش اللطف
مع اللي الفكر بروه
ولا خبر حلو يتزفّ
عايش ومحروق دمّه
مش كل بستان نشف
تقطف الزهر منه
يمكن يجي له المطر
ويرجع ربيعه يضمّه
أصل اللي أخد الكفّ
أوعاك يوم تأمنوه
مهما بان شفاف
يمكن يخبي همّه
مش كل قلب يخاف
ولا كل قريب يصيب ظنّه
ساعات يكون العتاب
هو اللي باقي منه
مشاركة عبر واتساب
مشاركة عبر تويتر
مشاركة عبر فيسبوك