مش مستعدة للرحيل أنا عمري مااندم ع الفراق
من بعد ما طاب العليل من بعد جرحي أنا قلبي فاق
كل الحياة اتغيرت وسنين هوايا
واقفة وبابكي بالدموع عند المرايا
غدره وعذابي في دنيتي هما البداية
وبدال ماييجي ويعتذر كتب النهاية
وانا لسة راضية بالقليل مش مستعدة للرحيل
لساك فاكرة يا دنيا راح أعيد اللي كان
من بعد غدره ليا خلاص فات الأوان
دنا عشت عمر جنبه مش حاسة بأمان
راجعلي تاني بعد إيه
جرحك مانيش قادرة عليه
كذبك ماهوش محتاج دليل
مش مستعدة للرحيل
مش قادرة أصدق كل دا يجرا في ساعات
وذكرياتي مسحتها وكل اللي فات
أخر كلامنا في النهاية كان سكات
عمالة أصبر نفسي علي قلبي اللي مات
هيفيد بإيه الندم أو حتي العويل
لسة بقولها وافتكر مش مستعدة للرحيل
الشاعر: حاتم أبو رية
مشاركة عبر واتساب
مشاركة عبر تويتر
مشاركة عبر فيسبوك